الفرق بين طلاب العلمي وطلاب الأدبي

[ظبيانيه]

طلاب الادبي دائما مبتسمين ومفرفشين
طلاب العلمي دائما مكتئبين وماعندهم وقت يضحكون بس عندهم وقت يصيحون

طلاب الادبي عادي عندهم يروحون المدرسة والا لأ ولا لأفضل عندهم طبعاً انهم مايروحون
لانهم مايحتجون احد يفهمهم .. اللهم يحفظون الكتاب ويروحون يسمعون اللي حفظوه ...

طلاب العلمي اذا غابوا يوم عن المدرسه أو بس تأخروا يسوون سالفة مايخلون شخص ومايتصلون فيه
ويخلونه يشرح لهم ويفهمه وياخذ الواجبات منه عقبها يروحون يقعدون على راس الأساتذه
عشان يشرحون لهم مرة ثانية وعشان يتأكدون انهم حصلوا كل المعلومات ومافاتتهم ولامعلومة

طلاب الادبي يطلعون من الامتحان وهم شاقين الحلق لان ماتفرق معاهم الدرجات

طلاب العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم
وياويلهم لو في جواب والا نص جواب غلط على طول الدموع تنصب والوجه يصفر

اذا شفت طلاب فاضين اعرف انهم طلاب الادبي ماوراهم دروس ولا شغل

طلاب الادبي وفي حصة الاحتياط يقعدون يلعبون أو يسولفون مع الأساتذه أو يعيبون عليهم

طلاب العلمي في ساعة الاحتياط طبعا مايفوتون أي ساعة بدون دراسة تحصلهم
يدرسون بنفسهم أو يروحون يدورون على اساتذه فاضين وينادونهم عشان يعطوهم دروس

طلاب الأدبي دايما تشوفوهم منحاشين من اساتذتهم وحصصهم ويتمشون في حوش المدرسة
كأنهم على الكورنيش

طلاب العلمي مانشوفهم في حوش المدرسه إلا وقت الفراغ ونادرا طبعاً
والأساتذه هم اللي يشردون منهم بس لا مفر طبعا للأساتذه

[(( كبرياء مجروحه ))]

هههههههههههههه اشكرك اختي ظبيانه...

أكيد انتي أدبي لأنك واقفه بصفهم ...

بس حرام ظلم العلمي والله ماكنا نسوي كذا...

لك خالص تحياتي واهلابك وننتظر منك المزيد...

[نبع الوفاء]

يعطيكِ ربي العافية ..

اضحك الله سنكِ وحفظكِ الرحمن ..

كلااامك فيه من الواقع الكثير ..

نسأل الله لهن التوفيق والنجاح في الدارين ..

مع اعطر تحية ...

[مشعل ك ق س]

هههههههههههههههههههههههههههههه



فيها من الظلم على الأدبي وهي عباره أعجبتني وضحكت عليها وهي


اذا شفت طلاب فاضين اعرف انهم طلاب الادبي ماوراهم دروس ولا شغل


واشكر على هذا الموضوع الشيق والمزعل إلى بعض الحرصين على الدروس