يشوفني حلمه وأنا أشوف به غير

[فاطمة بنت زيد]

قصيدة قرأتها وأعجبتني :

يشوفني حلمه وانا أشوف به غير
يشوفني فرحة واذيقه تعاسه

حبه خيالي مثل عشق الأساطير
وانا غرامي ثابت بارض ياسه

كل المشاعر عشتها معه تزوير
وكل المشاعر عاشها في احساسه

دايم دموعه تسبق الحرف تعبير
ودايم أنا اضحك كل مازاد باسه

ياما جرحته دون وعي وتفكير
وياما فضحته بالوله بين ناسه

ياما تسامى عن جروحي بتقدير
وياما سقيته بالعنا مر كاسه

ياما جزيته بالوفا لي بتقصير
وياما تعذر والخطا بي اساسه

ياما هجرته دون ذنب وتفسير
ياما حرمته من عذابي نعاسه

ياما خلق لي من غلاتي معاذير
ياما حنا لي بالهوى حيل راسه

عذري بأني شفت غدر مع الغير
أرضي جروحي فيه واجرح احساسه

ويوم نوى له خافقي نية الخير
دار الزمان وذقت منه التعاسه !!

[الــمــهــاجــر]

جميلة جدا ... اختيار موفق .

ألاحظ أنك لا تتفاعلين مع موضوعات الأعضاء ، و لابد من التفاعل المتبادَل بين الأعضاء في عالم المنتديات .

تحياتي لك و تمنياتي بالتوفيق

[فاطمة بنت زيد]

شكراً لك أخي المهاجر
ملاحظتك سوف آخذها بعين الإعتبار هذا لايعني بأني غير مهتمة بالعكس فمشاركات بعض الأعضاء تعجبني كثيراً وأهتم بها ...
شكراً لك مرة أخرى