mona_moon
8 - 8 - 2008, 10:23 AM
قصيده روعه جمعت احاسيس مختلفه من ضعف وقوه بنفس الوقت قصيده نالت اعجاب كل من سمعها او قرأها :
غريبه يامعاندني , تجي واتقول جاك امناك = تجي يومين ثم تبعد , وقصدك بس تذبحني
غريبه كل هالعالم , تلـفّـه لف في يمناك = ولا لك بين كل الناس , غيري وانت خابرني
تعوّذ من بليس وهاك , دام القلب , راضي هاك = ( عراق ) القلب واسكن ( دجلته ) , واحتل واشربني
أنا والله لولا الله , وخوفه قلت لجل ارضاك = وحبّـك جيت في الدنيا , ومِنك الله خالقني
أنا ( قارون ) برموووشك , وانا ( فرعونها ) لولاك = انا المذنب , وانا المؤمن , بشوقك وانت تكفُرني
أنا يجتاحني رجفه , لو اسمع بس , وقع اخطاك = اجل وش عاد لو شفتك ؟؟ , حشا , والله تموتني
أنا لو سلهمت عينك , بعيني , قلت لك ( نفداك ) = أنا داخل بوجه الله , ووجهك لا تضيّعني
انا من وين ماوجهت وجهي , في الوجيه ألقاك = أحس انك تبعثرني , ولا ادري كيف تجمعني
أجي لك شرق يسرقني , جنوبك , وانسحب منّــاك = وأجي لك غرب يسرقني , غروبك وانت تشرقني
أحس انّـك معي دايم , واتوه بعالمك واحياك = وافوق احيان واتسائل , لك الله كيف سخّـرني ؟؟
تفاخر ( لعنبوا غيرك ) , ترى غيرك , يموت اهناك = وربي ينتظر كلمه , وأصد وهو يكلمني
ومادام الله عطا لك شي , فاشكر واغتنم ماجاك = ومادام اتشوفني ساكن , نصيحه لاتحرّكني
أنا لو قلت لك بانسى , ورب البيت , صدق انساك = لذا : , لو شفتني بانسى , فانا طالبك تمنعني
واذا قررت تمنعني , وشفت ان القرار أعياك = ما بيك اتقول وش تبغى , ترى والله تضايقني
انـَــ أبغى ؟؟ , قول وش ما ابغى !!, على بعضك كذا أبغاك = ولعيونك , باخرّبها , واذا مجنون قيّدني
أنا ابغى كل مايطري , عليك اسمي يهز اقصاك = وابيك ان شفتني مذنب , بحبك توب واغفرني
أبيه ايصير في عيني , منامك والرموش اغطاك = وأبيه ايصير في عينك , منامي وانت تسهرني
أبي حبّـك , وأبي قربك , وأبي ( لبـّيـــــــــــــــه ) يالبّـاك = أبي ضمّـك , وأبي شمّـك , وأبي لو طلت تجرحني
أبيك ان قالوا الشاعر , تقوم اتفز دون ادراك = أبيك اتحس بي دايم , أنا اقصد وانت تسمعني
وانا شاعر مادام انّـك , من الغاوين بس أهواك = تقول آقول مالا افعل ؟؟ , بسيطه , بس جرّبني
وقل مجنون لا يسمع , ولا يفقه , وانا اتحدّاك = ايلا منّي نويت انسى , باشوف اشلون تمنعني !!
صح لسان شاعر الاحساس
الشاعر الكبير جميل بن زريع
غريبه يامعاندني , تجي واتقول جاك امناك = تجي يومين ثم تبعد , وقصدك بس تذبحني
غريبه كل هالعالم , تلـفّـه لف في يمناك = ولا لك بين كل الناس , غيري وانت خابرني
تعوّذ من بليس وهاك , دام القلب , راضي هاك = ( عراق ) القلب واسكن ( دجلته ) , واحتل واشربني
أنا والله لولا الله , وخوفه قلت لجل ارضاك = وحبّـك جيت في الدنيا , ومِنك الله خالقني
أنا ( قارون ) برموووشك , وانا ( فرعونها ) لولاك = انا المذنب , وانا المؤمن , بشوقك وانت تكفُرني
أنا يجتاحني رجفه , لو اسمع بس , وقع اخطاك = اجل وش عاد لو شفتك ؟؟ , حشا , والله تموتني
أنا لو سلهمت عينك , بعيني , قلت لك ( نفداك ) = أنا داخل بوجه الله , ووجهك لا تضيّعني
انا من وين ماوجهت وجهي , في الوجيه ألقاك = أحس انك تبعثرني , ولا ادري كيف تجمعني
أجي لك شرق يسرقني , جنوبك , وانسحب منّــاك = وأجي لك غرب يسرقني , غروبك وانت تشرقني
أحس انّـك معي دايم , واتوه بعالمك واحياك = وافوق احيان واتسائل , لك الله كيف سخّـرني ؟؟
تفاخر ( لعنبوا غيرك ) , ترى غيرك , يموت اهناك = وربي ينتظر كلمه , وأصد وهو يكلمني
ومادام الله عطا لك شي , فاشكر واغتنم ماجاك = ومادام اتشوفني ساكن , نصيحه لاتحرّكني
أنا لو قلت لك بانسى , ورب البيت , صدق انساك = لذا : , لو شفتني بانسى , فانا طالبك تمنعني
واذا قررت تمنعني , وشفت ان القرار أعياك = ما بيك اتقول وش تبغى , ترى والله تضايقني
انـَــ أبغى ؟؟ , قول وش ما ابغى !!, على بعضك كذا أبغاك = ولعيونك , باخرّبها , واذا مجنون قيّدني
أنا ابغى كل مايطري , عليك اسمي يهز اقصاك = وابيك ان شفتني مذنب , بحبك توب واغفرني
أبيه ايصير في عيني , منامك والرموش اغطاك = وأبيه ايصير في عينك , منامي وانت تسهرني
أبي حبّـك , وأبي قربك , وأبي ( لبـّيـــــــــــــــه ) يالبّـاك = أبي ضمّـك , وأبي شمّـك , وأبي لو طلت تجرحني
أبيك ان قالوا الشاعر , تقوم اتفز دون ادراك = أبيك اتحس بي دايم , أنا اقصد وانت تسمعني
وانا شاعر مادام انّـك , من الغاوين بس أهواك = تقول آقول مالا افعل ؟؟ , بسيطه , بس جرّبني
وقل مجنون لا يسمع , ولا يفقه , وانا اتحدّاك = ايلا منّي نويت انسى , باشوف اشلون تمنعني !!
صح لسان شاعر الاحساس
الشاعر الكبير جميل بن زريع