عائض الغامدي
30 - 4 - 2005, 12:50 AM
الأخوة الكرام هذه القصيدة للزميل الشاعر حسين اليامي ارجو ان تنال اعجابكم
أتركيني للهبـوب أللـي يهـب مـن الشمـال = أتركي قلبـي تطيـر بـه الريـاح ولا يعـود
أتركيني للظـروف.. وللعـواذل.. والسـؤال = أتركينـي للصبرلوكـان صـبـري لايـفـود
اتركينـي للنجـوم المرقبـه ويـا الـهـلال = هي بعيده وانتي ابعد مـن مداهـا ياخلـود!!
أتركيني وإن قسى حملي على ظهـري ومـال = أتركيني وإن شكيت من الجفـى ولا الصـدود
وش يهمك حالي اللي صار ياخلـي خـلال؟ = وش يهمك لي سهرت الليل والعالـم رقـود؟!
ما انتي اللي لي شكيت القيض تاتين الظلال!! = ولا انتي اللي تملكين العطف والقلـب الـودود
ولا انتي اللي تملكين العذر لي طـال الجـدال = وانتظر عند النهايه...........ينتهي هذا الركود
فيك زين .. وفيك شين.. وصـدق لله الكمـال = بس غلطاتك كبيرة ماتسـع صحـراء النفـود
كان ذبحي في شريعة حبك القاسي حـلال ؟ = !أذبحينـي دام ذبحـي مـا تحجمـه القـيـود
وضحكي فيني شماته واطربي والفكـر عـال = أذبحيني يمكـن انـه ينكسـر هـذا الجمـود
أتركيني للهبـوب أللـي يهـب مـن الشمـال = أتركي قلبـي تطيـر بـه الريـاح ولا يعـود
أتركيني للظـروف.. وللعـواذل.. والسـؤال = أتركينـي للصبرلوكـان صـبـري لايـفـود
اتركينـي للنجـوم المرقبـه ويـا الـهـلال = هي بعيده وانتي ابعد مـن مداهـا ياخلـود!!
أتركيني وإن قسى حملي على ظهـري ومـال = أتركيني وإن شكيت من الجفـى ولا الصـدود
وش يهمك حالي اللي صار ياخلـي خـلال؟ = وش يهمك لي سهرت الليل والعالـم رقـود؟!
ما انتي اللي لي شكيت القيض تاتين الظلال!! = ولا انتي اللي تملكين العطف والقلـب الـودود
ولا انتي اللي تملكين العذر لي طـال الجـدال = وانتظر عند النهايه...........ينتهي هذا الركود
فيك زين .. وفيك شين.. وصـدق لله الكمـال = بس غلطاتك كبيرة ماتسـع صحـراء النفـود
كان ذبحي في شريعة حبك القاسي حـلال ؟ = !أذبحينـي دام ذبحـي مـا تحجمـه القـيـود
وضحكي فيني شماته واطربي والفكـر عـال = أذبحيني يمكـن انـه ينكسـر هـذا الجمـود